Pêşengeha Serhad Bapir lı Navenda Çand û Hunerê ya Vafopulio ya Bajarvaniya Thessaloniki lı Yunanistanê.

Afişa pêşengehê

Dawetnameya pêşengehê

Çarşema 6 ê Adara 2019 û dı sıet 19.00 da lı Navenda Çand û Hunerê ya Vafopulio wê vekırına pêşengeha wêneyan ya Serhad Bapir pêkwere.

Serhad Bapir dı sala 1964 a da lı bajarê Tetwan a Kurdıstanê hate dınê. Dı sala 1984 a da wek penebereki politik xwe sıpart Yunanistanê. Jı bo xwendına xwe ya zaningehê jı 1985 a heta 1992 ya jı Enstituya Kurdi ya Parisê bursa xwendınê wergırt. Jı 1987 a heta 1992 ya dı beşa nigar û hunerên pratik ya Akademiya Hunerên Sıpehi ya Zaningeha Aristotelis ya Thessaloniki da lı atolyeyên prf. D. Kondu û V. Dimitreas da xwend. Her wusa disa jı 2001 heta 2007 a beşa grafikê ya heman zaningehê xwend (diploma dıduyan).

Serhad Bapir jı sala 1997 a û vır va wek mamosteyê hunerê dı dıbıstana navin û liseyê da dıxebıte. Endamê Yekitiya Hunerên Nigari ya Yunanistanê, Komela Hunermendên Nigarkari  ya Bakûra Yunanistanê û Yekitiya Grafikçêkerên Yunan e.

Ev pêşengeh, pêşengaha 8 a ya ferdi ya hunermend e û bı tabloyên ev çend salên dawi da hatıne afırandın pêktê. Her wusa hunermend lı Yunanistanê û welatên dın  da beşdarê bı dehan pêşengehên komi bûye. Beşek tabloyên wi bı naverokên xwe bı politiki û bı serpêhatiyên wi yên ferdi ne.

Jı bo vê pêşengehê hunermend wusa dınıvisine:

“Tê gotınê ku “welatê merıv yê rasyteqini temenê zarokatiya merıv e."  Bê guman e ku ev temenê zarokatiyê wek tecrûbeyeke serpêhatiyê lı cıh û lı wareki da dıqewıme, ku lı wê derê, mala dê û bavê merıv, gund an ji bajarê ku merıv lı lê tê dınê û mezındıbe xwediyê gıraniyeki mezın e.

Dewletên bı hêz yên mezın yê cihanê dı despêka sedsala derbasbûyi da, bêy ku qedrê mafê çarenıvisa neteweyan, teybetmendiyên wan yên netewi û oli bıgrın, jı bo berjewendiyên xwe cihanê dı navbera xwe da parvekırın. Bı vi awayi, gelek netewe û xelkên ku hatın perçekırın dı despêkê da xwe dı gelek koloniyên dewletên mezın da ditın, ku dû ra ji ev koloni bûn dewletên serbıxwe. Mıxabın Kurd jı hıngê va jı mafê xwe yê xwezayi yê çarenıvisê, ya Kurdıstaneke azad û serbıxwe bêpar man.

Hın mırov dı nav mıleteki/dewleteki serbest da têne dınê û hınên dın ji wek zarokên mıleteki bındest, yên hındıkahiya netewi an ji oli têne dınê. Çewa ku heseki nıkarıbe dê û bavê xwe hılbıjêre, her bı vi awayi ji merıv nıkare hılbıjêre ka dıxwaze dı welateki serbıxwe, demokratik û şên û geş da were dınê an ji dı minaka Kurd û Kurdıstanê da, dı welateki ku jı aliyê çar dewletan va hatiye dagırkırın, ku bı zeviyên mayin lê çandi û bı têlên honandi bı çar perçeyan hatiye perçekırın, ku lı wan perwerdeya zımanê zıkmaki ji hatiye qedexekırın, were dınê. Kes nıkare hılbıjêre ka lı kê derê dıxwaze were dınê, lê dıkare jı bo van tıştan teva têbıkoşe. Kurd viya dıkın, çewa gelek xelkên dın ji.

Dı vê têkoşina rûmetê da, ya jı bo mafê rewa yê çarenıvisê, tenê dı van çar pênc salên dawi da bı dehan bajarên Kurdan yên wek Kobani, Şıngal, Sûr, Cızir, Xurmatû, Efrin û bı hezaran gund  jı aliyê DAİŞ, dewletên Tırkiyê û Iraqê va hatın wêrankırın. Bı milyonan mırov jı warê bav û bapirên xwe hatın hılkışandın.

Tê gotınê ku tıxûb mıletan jı hev cuda dıkın, ev ditın maqûl xwıya dıke, lê pıraniya kesên ku xwediyê vê ditınê ne, dı hışê wan da tıxûbên dewlet û neteweyên serbıxwe heye û bala xwe nadın rewşa wan neteweyan ku hê dewletên xwe yên serbıxwe avanekırıne. Dı vê rewşa ku tıxûbên netewi tunene, hıngê jiyan dıbe trajedik.

Ez jı we ra behsa Kurd û Kurdıstanê dıkım. Her çıqas ku tıxûbên diroki, demografiki û xwezayi yên Kurdıstanê hebın ji, jı ber ku Kurdıstan jı aliyê çar dewletên diktator (Tırkiye, İran, Iraq û Sûriye) va hatiye dagırkırın û perçekırın, tıxûbên fermi yên Kurdıstanê bı welatên ciran ra tunene. Berevajiyê wê, lı ser laşê Kurdıstanê tıxûbên van çar dewletên dagırker hene ku vêca Kurdan bı xwe perçedıkın. Kurd dı xebata rızgariyê da gelek caran leqayê êrişan, heta êrışên bı çekên kimyayi ji hatıne, lı van tıxûbên neheq ku welatê wan perçedıkın dıqelıbın û derbasdıbın û bı vi awayi dı welatê xwe da dıbın penaber.

Dı vê rêze berhemên xwe da ez lı ser vê mıjarê xebıtim: Nigarên Kurdên ku têdıkoşın. Tıxûbên ku yekitiya netewi ya Kurdan asteng dıkın. Warên ku mırov lê dıjin ku tên wêrankırın, qereqolên leşkeri yên lı ser tıxûban ku çavderiya vê hovitiyê dıkın û dı asoyê da deryayeki, ku keştiyên jıhevketi mırovan ber bı “gorıstana şıl” an ji ber bı sıberoja nediyar ya penabertiyê va dajon.”

Pêşengeh wê heta 29 ê Adara 2019a wê bıdome.

Roj û sıetên ku pêşengeh vekıriye: Duşem heta İnê17.00 – 21.00, Şemû: 9.00 – 14.00

Navenda Çand û Hunerê ya Vafopulio: G. Vafopulio 3, 546 46 Thessaloniki.