30/10/2008

Salvegera mırına bavê mın Mele Seid Çeliker


Par dı rojeki weki vê rojê da, Mele Seid Çeliker xatırê xwe jı jiyanê sıtand û jı nav me bar kır û çû.


Mele Mıhemed Seid Çeliker

Lı ser wefata wi, me wek malbat par vê daxwiyaniyê dabû çapemeniya kurdi:

Mele Mıhemed Seid Çeliker dı sala 1930 ya da lı gundê Hêlinê, ya gırêdayê Sılivana Diyarbekırê hate dınê. Bav û kalên wi yên mele, jı Cızira Botan nın. Wi ji, xwendına xwe ya medresê qedand û bû mele, lê belê dı mızgeftan da meletiyê nekır. Wi demekê dı nav koçerên aşireta Alıkan da meletiyê kır û her wusa jı vê aşiretê, bı keça Heci Eli ra zewıci. Dı dawiya salên 1960 an da mala xwe jı Tetwana Bedlisê barkır û bır Sıliva, her wusa disa dı van salan da jı bo 3 salan, jı bo xebatê çû Almanya Federal. Dı sala 1974 a da mala xwe cardi ani Tetwanê. Jı ber zordestiya dewleta Tırka, wi dı sala 1994 an da mala xwe jı welat bar kır û bır Mêrsina Tırkiyê. Dı sala 2001 ya da pêşi mala xwe bır Diyarbekırê û paşê disa ani Tetwanê. Mele Seid ev sê sal bûn ku, lı pê hev çar caran, lı serê xwe de felç lê hatıbû, lı welat, lı Tırkiyê û Swedê gelek mehan dı nexweşxaneyan da ma. Mele Seid dı 30-10-2007 da lı Tetwanê xatırê xwe jı jiyanê sıtand û jı nav me barkır û çû. Mele Seid lı gorıstana taxa Ortab a Tetwanê hate veşartınê.
Mele Seid hê jı xortaniya xwe da meraqdarê ılım û zaninê bû, jiyana wi dı nav lêgerinê da derbas bû. Dı xortaniya xwe da, jı bo naskırına Cegerxwin derbasê bınxetê dıbe. Wi dızanıbû ku, jı bo şiyarbûna mıletê me yê bındest û şıkesti, wek mılet hewcedariya me bı mırovên xwenda û zana heye, heta jê hat, wi zarokên xwe yên kur û keç da xwendınê.
Hızkırına zıman, mılet û welatê me lı ba Mele Seid gelek xwırt bû û wi vê hızkırınê da hemû zarokên xwe. Dı salên !970 yan pê va û xususi ji, jı salên 80 û 90 an da, jı ber welatparêziya zarokên wi, wi ji gelek êş û cefa kışand. Jı aliyê dewleta Tırka va, gelek caran leqayê heqaret û êşkencan hat. Her wusa ew ji wek welatparêzeki wêrek beşdarê nav xebatên Kurdewariyê bû.
Em jı Xwedayê mezın û dılovan hêvidar ın ku wê Mele Seid bı buhışta xwe şabıke.
Em sıpasiya hemû merıvên xwe, nas û dostan dıkın ku, dı êş û şina me da bı me ra bûn, mala wan ava.
Bıla serê hemû dılsozên welatê me sax be.
Bıla serê mıletê Kurd sax be.
Jına Mele Seid: Fetiha
Zarokên wi: Dr Celadet, Çiçek, Cihan, Serhad Bapir (Evdıla), Feysel, Amed, Laleş, Wildan, Gulageş, Newroz, Rewşan û İbrahim.



Lı ser gora Mele Seid Çeliker, payiza 2007 a, gorıstana taxa Ortab'a Tetwanê


No comments: