Hût

Me li hewşa mala xwe da ferxikekî dît

pêşî hûrik bû, me digote qê ji me ye

li ber dilê me xweşik bû.

Me armancên mezin bi pê va girêda,

me bi mal û canê xwe xwedîkir.

 

Gav bi gav

kevir bi kevir

xîçik bi xîçik

bi me hemûyan, bû hêz.

 

Ferxikê me mezin bû

me dît ku vayê ne ji  malê ye,

tenê xwîna ku xwe pê têrdikir

ji malê bû.

 

Niha,  me dît ku,

vayê ji alîyê xêrnexwazan va

bi mebest

û bi plan

avêtibûn hewşa mala me ev têjik.

 

Niha, êdî mezin bûye,

vêca libo libo

xwedîyên malê dihêre.

 

27/5/2014

Komposizyon 2, 2009, hıbra çini û pênusên rengin, 5x6 cm